ابھی رات گہری ہے ....

 

ابھی رات گہری ہے 

ابھی اسکو بھی تو ڈھلنا ہے 

انہی اندھیروں سے ہو کر ہی

تیرے اُجالوں سے ملنا ہے 

زندگی  تقاضا روز ایک نیا لے کر 

حوصلوں کو آواز دیتی ہے 

رفتار وقت کی بھلا 

کہاں دل کی سنتی ہے 

  وہ  تو دھڑکنوں سے بھی تیزتر  ہے 

مگر حال کی چکی ماضی کے پاٹوں میں   

زندگی کا ہر خواب پیستا ہے 

غریب کی آرزو کا رنگ 

کیاواقعی اتنا سستا ہے 

دل تو پھر بھی دل ہے 

انہی جلتےبجھتے   پلوں میں  بھی 

خود کو روشن کر ہی لیتا ہے 

یہ کریمی تیری حکمت ہے 

یہ تیری عطاتیری عنایت ہے 

تیرے بندے کی فطرت میں 

تیری ہی محبت ہے 

اے دل یہی منزل ہے...........

سنو اے  دل یہی منزل ہے 

تم میں ازل سے ہی شامل ہے 

راہیں تو بہت سی ہیں  

مگر تمہارے پاس ایک ہی دل ہے 

   خواہشیں ہزاروں ہیں  

جنہیں پانا مشکل ہے 

 کبھی سوچا  یہ حسن فطرت کا 

ایک حسین تحفہ ہے 

جو تیری ذات میں  شامل ہے 

گر دنیا مل بھی جاتی 

 گر تیرا دل ،دل نہیں ہوتا 

جو اپنے آپ میں  کامل ہے 

خالی گھر کی ویرانی 

بے سکونی  اور پریشانی 

پل میں دور ہوجاے 

شمع دل کی گر روشن ہو  

تو سب کچھ نظر آے 

تیرا دل جان ہی لیگا

خوبی اپنی پہچان ہی لیگا 

سیری اسی کو ہوتی ہے حاصل 

جو خود موج  ہو خود ساحل   

آدم کا سبق اول 

خاک کی امانت ہے 

  عجز   خاکی  کی تیاری ہے 

تم  میں  وہی تو شامل ہے 

زندگی پل دو پل کی خوشی کا سامان ہے...........

 

کبھی تنہا مجھے پاؤ میرے ہوجاؤ

کبھی ہجر  میں   بھی قریب آجاؤ   

تمہاری قربتوں کے صدقے  میں 

بھول جاوں  دنیا کے غم  سارے

تمہاری خاموشیوں کے ستم سارے  

مگر ایسا ہو نہیں سکتا 

گزرا پل لوٹ کر آ نہیں سکتا 

 تم نے بسالی ہے  نئی  دنیا 

میری دنیا اب نہیں تمہاری دنیا 

 تم اورمیں اب دو کنارے  ہیں 

ہم تم  صدیوں سے  بیچارے   ہیں   

درمیان فصیل زندگی کی  ہے

جہاں مرضی خدا کی ہے 

چاہنا انسان کی فطرت ہے

ملنا تیری مرضی تیری قدرت ہے     

تمہاری دنیا میں  کیا یادوں کا موسم ہے

میری دنیا میں تمہارا ہی  غم   ہے  

تمہاری یاد میں  وقت بھی گم  ہے

وہ   سارے بیتے برس  یہی کہتے ہیں 

ہم تجھ میں    ہی رہتے ہیں

کیا واقع اس کہانی کا یہی عنوان ہے 

 زندگی پل دو پل کی  خوشی کا سامان ہے  

آہٹیں اسکی پہچان لوگے..

 

میرے سنگ سفر گر کروگے 

خود کو جان لوگے 

اپنے دل کا کہا 

پھر سے مان  لوگے 

جو آنکھیں موندے پڑا ہے

جگانے کی ٹھان  لوگے   

سنولے  نبض کی کبھی 

آہٹیں اسکی پہچان لوگے

کہ رہا ہے شام و سویرے 

پیام میرا ہرآن   لوگے  

دوستو سنو مومنوں کی  نشانی 

انکی زبانی میری زبان لوگے 

 گر زندگی دنیا کی نظر  کروگے 

 ملاقات کا  کیسے  سامان  کروگے 

میں منتظر ہوں تمہاری آرزو کا

ا پنے شرف کو نہ رایگان کروگے 

  محبت کی ہی خاطر محبوب دنیا میں آے

گر جان لوگے راہ اپنی آسان کروگے  

محو رقص ہے دیوانگی

     

  

مدّتوں کی  چاہ کو  راہ مل گئی  

منز ل کی تلاش میں عمر نکل گئی 

 یہ سودا شوق کا  ہر دور میں  ہے جاوداں ہے

یہ تمام عمر کی آرزو   مہربان  ہے

سرحدوں میں  کب  بٹی عشق   کی  زباں ہے    

  آج ہاتھ آیا  ہے عکس تیرا   

 روپوش تھا جو کل تلک 

  محو  رقص ہے اب   دیوانگی 

کیف ہے کے خود مدہوش ہے 

ہوش کے ہوش بھی ہیں اڈے اڈے  

 جھومتے  لفظ خیال کو   چومتے ہیں

اس سرور کے گرد    گھومتے ہیں

سوچا کئے     اپنی دعا    کا مرتبہ   

کبھی بولتا ہے  جب  خود میں  خدا   

میری خوشی کی آج کوئی انتہا نہیں 

تجھ کو پا کر جان گئی  ہوں میں    

تیرا سفر ہے میرا سفر

اے  بندے مایوس نہ ہو  

میری ذات تیری ذات سے 

نہ جدا ہے نہ الگ  

میں  تجھ سے ہوں قریب تر

 تیرا سفر ہے میرا سفر 

ہمہ وقت تجھ پر ہے نظر 

تیری مشکلیں ہیں میری 

تیرےغم ہیں میرے غم

تو نہیں جانتا میری حکمتیں

تیری بیقراریاں ورنہ ہوجاتین  کم 

یہ گردشیں ہیں شاہد حق 

 ڈھونڈتا گر تو  رب کی رضا 

بنا لیتا انہیں  مراد  اپنی با خدا  

درد ہی میری یاد ہے

تیرا  غم  ہے الفت میری 

میرا حاصل جستجو تیری 

تو نہیں تو یہ جہاں بھی نہیں

میں  یہاں نہیں تو کہیں نہیں

میراآ ینه تیری  ذات   ہے

ورنہ بندے تجھ میں  کیا بات ہے

کھول دے کھڑکیاں غرور کی 

حق کو بهیتر  آنے دے 

تیری ذات کو سنور جانے دے 

خدا چاہتا ہے تیری فلاح

اسی کی خاطر قایم کی صلاح

کے ہر وقت ہو  تو  روبرو

وہی ہےتیرے  سانسوں کی "ہو  

ہاں مجھ کو مل گیا میرا خدا

ہواؤں میں مہکتی ہوئی سرگوشیاں 

شور کرتی ہوئی یہ خاموشیاں 

بات کرتی ہوئی تنہائیاں 

یہی تو ہیں میرے رازداں 

یہی قاصد ہیں میرے 

فاصلوں کو سمیٹتے 

مجھ میں تم کو ٹٹولتے 

مایوسیوں کو جھیلتے 

اپنے خیال سے  کھیلتے 

چلے ہیں صحراون کی طرف

کے کہیں کوئی تارا سنگ ہو 

کہیں کوئی اعلان دبنگ ہو

کے تیرے دل کو بھی انہی 

چاہتوں کی تلاش ہے 

تیرے میرے درمیان 

یہی ایک رابطہ خاص ہے 

تیری چاہتیں وسعتوں کی چاه تھیں

میرا محور  تھیں تیری چاہتیں 

محفل میں  تیری ہم بھی تھے

یہ اور بات ہے حبیب 

ہمارے اور ہی نصیب تھے 

دل اور دعا کا ایک ہی راستہ  

انسے ہوکر ملتا ہے خدا 

سو مجھے تو نہ ملا 

ہاں مجھ کو مل گیا میرا خدا