مان لے ایک بار دل کی اپنی ...

اس شام کا بھی دل جلا ہے 

اسے جلتا ہوا سورج ملا ہے

 سورج کو آج کیا ہوا ہے 

زمین کی تمازتوں سے 

خود اپنی   حرارتوں  میں 

سب کو دہلا کے رکھ دیا ہے 

آخر  کیسا ہے یہ اشارہ 

دل سہم کے رہ گیا ہے 

شاید یوں ہی اچانک 

زمین آسمان کے موسم 

رہ جاینگے بدل کے 

دنیا کا یہ نظام سارا 

رچا تھا آدمی کی خاطر 

آدمی ہی کے شر سے 

رہ جاےگا  دہل  کے  

آخر چاہیے تجھ کو آسمان اور کتنے

دو دن کی زندگی میں  کیا کیا مچاےگا   تو فتنے  

نادان پہچان رب کی  صفتوں کو 

اسکی  رحمت  کی وسعتوں کو

 چھوڑ  بیقراریاں تو اپنی 

مان  لے ایک بار دل کی  اپنی 

وہیں سے تو رب بولتا ہے 

گرہیں نفس  کی وہی   تو  کھولتا ہے 

تیری نفی ہی تیری بقا ہے 

   اسی کے دم سے   تیری ارتقا ہے   

دو پل کی زندگی....

زندگی کا ایک نیا باب بس کھلا  ہی چاہتا ہے  

مجھ کو میری خاموشیوں سے واقف کرانا چاہتا ہے

دو پل کی زندگی کا مطلب سمجھانا چاہتا ہے 

جہاں سوچ ختم ہوتی ہے اس خلا سے ملانا چاہتا ہے 

اچھا ہے دل جلوں کا دل لبھانا چاہتا ہے 

مجھے درد اور دل   کا رشتہ بتلانا چاہتا ہے 

لوگوں کی الجھنوں کو میری گتھیوں سے سلجھانا چاہتا ہے 

چلو مقصد کچھ تو ہاتھ آیا 

دل  ذہن کی شکایتوں سے پل دو پل کو آرام پایا 

کہیں کسی کی خاطر خود کو قرار آیا 

الحمدلللہ دلوں کو جیتنے کا کوئی موقع تو ہاتھ آیا